加密貨幣、穩定幣、NFT……虛擬資產發展日新月異，唔少人都有興趣投資，但種類太多令人眼花繚亂，加上交易平台失竊事件時有發生，令人關注虛擬資產投資者係咪得到足夠保障！

由投委會為國際證監會組織(「IOSCO」) 「世界投資者週」舉辦及由《星島日報》與《頭條日報》推出嘅網上節目〈虛擬資產監管與投資者保障新知〉，邀得兩位重量級專家以多角度講解各種熱門話題，包括虛擬資產服務提供者發牌制度、如何監管虛擬資產交易平台嘅運作以保障投資者、以及投資虛擬資產所涉及嘅風險等，有興趣嘅朋友千祈咪錯過喇！